عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالبوابةس .و .جبحـثالمجموعاتدخولالتسجيل

شاطر | 
 

 النظارة الطبية للنظر والشياكة

اذهب الى الأسفل 
كاتب الموضوعرسالة
Angel Eyes
الادارة
الادارة
avatar

معلومات العضو
ذكر عدد الرسائل : 987
العمر : 30
الموقع : eyes.ba7r.org
عارضة الطاقة :
100 / 100100 / 100

المهنة :
الهواية :
الأوسمة :
علم بلدى :
الجنس :
مزاجى اليوم :
السٌّمعَة : 12
نقاط : 37945
تاريخ التسجيل : 30/01/2009

مُساهمةموضوع: النظارة الطبية للنظر والشياكة   السبت 20 يونيو - 8:23



إزاي إننا نختار النظارة الطبية بشكل صح، علشان لما نلبسها تحافظ على نظرنا وكمان تدينا شكل حلو.. وبكده نكون ضربنا عصفورين بحجر واحد..
وعلشان نحقق كل الحاجات دي يبقى لازم نعمل الكلام اللي هقولكم عليه دلوقتي..






لازم كشف نظارة مضبوط





علشان فعلا نقدر نختار النظارة المناسبة يبقى لازم في الأول نعمل زيارة لدكتور عيون نكون عارفين إنه شاطر ونعمل عنده كشف نظارة لأن الكشف ده هو اللي هيحدد لنا مقاس النظارة المناسب لعنينا، وبعد كده ناخد المقاس ده ونروح لمحل النظارات وندي إخصائي البصريات الكشف ونطلب منه يعمل لنا نظارة مناسبة ونبدأ في اختيار الشنبر والعدسات المناسبة..


نختار شنبر مناسب

واحنا بنختار شنبر النظارة لازم نكون عارفين إن "لكل وجه شنبر محدد مناسب" وعلشان نقدر نحدد الشنبر المناسب لوجهنا يبقى أول ما نروح محل النظارات نقيس أكتر من شنبر ونبص في المرايا ونشوف إذا كان الشنبر فعلا مناسب لوجهنا ولا لأ؟!
وبصفة عامة هنلاقي إن:
"الوجه الطويل" يناسبه نظارة لها شنبر عريض، أما إذا كان "الوجه مستدير" فإنه يناسبه شنبر ذو زاويتين بارزتين للخارج أو مربع الجوانب، لكن "الوجه اللي على شكل قلب" فده يناسبه شنبر ضيق غير منفرج الذراعين.. أما "الوجه البيضاوي" فده كل أشكال الشنابر مناسبة له..











وعلى فكرة المفروض إن حجم الشنبر يكون زي حجم الوجه فلو كان مثلا الوجه ضخم وكبير يبقى نختار للنظارة شنبر كبير والعكس صحيح، وده لأن التناسب بين حجم النظارة والوجه بيدي جمال للوجه.

ودي كمان شوية حاجات ناخد بالنا منها واحنا بنقيس الشنبر :-
1- إن الشنبر يكون صغيرا نسبيا وثابتا على الوجه مش متحرك علشان النظارة ماتقعش مننا بسرعة.
2- إن مركز العدسة اللي بيتم تركيبها في الشنبر يكون أمام مركز حدقة العين (النن).
3- إن طول ذراع الشنبر يكون مناسب وترتكز زاويته على الأذن بدون ما تسبب ضغط عليها علشان ماتكنش السبب في الإصابة بالتهابات على جانبي الوجه والأذن.



للشنبر ألوان وخامات متعددة



دلوقتي بقى فيه شنابر بألوان متعددة، واختيار لون الشنبر بيتوقف على حسب لون بشرة كل واحد، وبصفة عامة البشرة الغامقة هتلاقي إن الشنابر اللي ألوانها صارخة زي "الأحمر" و"البرتقالي" و"الأخضر" و"النبيتي" هي المناسبة لكن البشرة الفاتحة هتلاقي إن الألوان المناسبة ليها "الأسود" و"الرمادي" و"الأخضر" أما البشرة القمحية ودي الأكتر انتشارا فكل الألوان بتليق عليها.
ويا ريت لو سننا صغير نبعد عن الشنبر الذهبي لأن اللون ده بيدينا إحساس بإن شكلنا أكبر من سننا فعلا.
وعلى فكرة اختيار خامة شنبر النظارة بتتوقف على حسب مزاجنا وإمكانياتنا المادية ففيه "البلاستيك" وده بيتميز بخفة وزنه وإنه أقل عرضة للكسر، وفيه منه أشكال وألوان متعددة وفيه "الإستانلس ستيل" وده يتميز بخفة الوزن أيضاً وإنه غير قابل للصدأ.


العدسات نوعان



العدسات نوعان... إما تكون من "البلاستيك" ودي بتكون خفيفة الوزن وغير قابلة للكسر بسرعة ودي بتكون أحسن للأطفال الصغيرين اللي نظرهم ضعيف لأنها بتكون خفيفة على وجوههم وبتخلي الطفل يحب النظارة.. أو إنها تكون من "الزجاج" ودي عيبها إنها سريعة الكسر، ويا ريت نختار الزجاج الملون لأن ده بيدي شكل أحلى.


دعامات النظارة



يفضل دايما إنها تكون مصنوعة من مادة "السيليكون" وده علشان تدي إحساس بالراحة عند الاحتكاك بالأنف وما تسببش أي التهابات أو سواد لمنطقة الجلد دي.



ودي مجموعة من أشكال النظارات














يارب ينول اعجابكم





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eyes.ba7r.org
 
النظارة الطبية للنظر والشياكة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
¨°o.O ( القسم الإجتماعى ) O.o°¨
 :: منتـــــدى الصــحــه
-
انتقل الى: